អភិបាលស្រុកស្ទោង សំណូមពរដោយទទូច ប្រជាពលរដ្ឋក្នុងមូលដ្ឋាន ឲ្យជួយថែរក្សាសមិទ្ធផលទាំងចាស់ទាំងថ្មី ដើម្បីគុណភាព និងសោភ័ណភាព

0
101

គេហទំព័រនិងទូរទស្សន៍អនឡាញ រស្មីបូព៌ា ទំនាក់ទំនង និងផ្តល់ព័ត៌មាន: 061 45 55 96 - 031 4444 517 - 015 995 589

(កំពង់ធំ)៖លោក សាយ គឹមឡម អភិបាលស្រុកស្ទោង និងសហការីព្រមទាំង អាជ្ញាធរ ឃុំកំពង់ចិនជើង ឃុំកំពង់ចិនត្បូង ស្រុកស្ទោង ខេត្តកំពង់ធំ បានអញ្ជើញចុះត្រួតពិនិត្យ ស្ថានភាពសាងសង់ផ្លូវបេតុងពីរខ្សែ ស្ថិតនៅក្នុង ឃុំកំពង់ចិនជើងមួយខ្សែ និងស្ថិតនៅឃុំកំពង់ចិនត្បូងមួយខ្សែទៀត នៅព្រឹកថ្ងៃទី១៤ ខែកក្កដា ឆ្នាំ ២០២២ ។

លោក សាយ គឹឡម បានសំណូមពរយ៉ាងទទូចដល់អាជ្ញាធរមូលដ្ឋាននិងប្រជាពលរដ្ឋទាំងអស់ត្រូវចូលរួមជួយថែរក្សាសមិទ្ធផលនានាទាំងចាស់ទាំងថ្មី ដើម្បីគុណភាពនិងសោភ័ណភាពផងដែរ លោកបានបញ្ជាក់បន្ថែមថា ដើម្បីឲ្យផ្លូវឬសំណង់នានាមានគុណភាពបានល្អមាំទាំនិងមានសោភ័ណភាពនោះទាល់តែមានការចូលរួមសហការពីគ្រប់អ្នកពាក់ព័ន្ធពិសេសគឺបងប្អូនប្រជាពលរដ្ឋ ។
លោកក៏បានណែនាំដល់អាជ្ញាធរឃុំកំពង់ចិនជើង និងឃុំកំពង់ចិនត្បូង ត្រូវជួយតាមដានត្រួតពិនិត្យឲ្យបានម៉ត់ចត់ ដល់ក្រុមហ៊ុនដែលកំពុងសាងសង់ផ្លូវនេះនិងបានណែនាំដល់ក្រុមហ៊ុនដែលកំពុងសាងសង់ត្រូវសាងសង់ផ្លូវនេះប្រកបដោយបទដ្ឋានបច្ចេកទេសកិច្ចសន្យា និងពេលវេលាឲ្យបានឆាប់រហ័សផងដែរ ។

លើសពីនេះទៀតអភិបាលស្រុកស្ទោងក៏បានសំណូមពរដល់ប្រជាពលរដ្ឋដែលនៅអមសង្ខាងផ្លូវ សូមជួយថែរក្សាប្រព័ន្ធលូពិសេស កុំដាក់សំរាមឬកាកសំណល់ផ្សេងៗដែលអាចបណ្តាលឲ្យកកស្ទះដល់ប្រព័ន្ធលូរំដោះទឹកដែលជាហេតុនាំឲ្យមានការឆាប់ខូច សំណង់ឬផ្លូវជាដើម ហើយសំរាមទាំងនោះវាក៏បង្កជាផលរំខានដល់បរិស្ថាននិងក្លិនមិនល្អផងដែរ ។

ជាថ្មីម្តងទៀតលោកក៏បានសំណូមពរយ៉ាងទទូចដល់ប្រជាពលរដ្ឋសប្បុរសជននានានៅក្នុងស្រុកស្ទោងសូមជួយដល់រដ្ឋបាលស្រុកស្ទោងនិងអាជ្ញាធរភូមិឃុំក្នុងការអភិវឌ្ឍកសាង ស្ថាបនាទីរួមស្រុកស្ទោង និងការដាក់បំពាក់នៅសូឡាថ្មីៗថែមទៀត នៅក្នុងឃុំកំពង់ចិនជើងឃុំកំពង់ចិនត្បូងនិងឃុំទ្រាដែលលោកនឹងរៀបចំក្នុងពេលឆាប់ឆាប់នេះ ។ លោកក៏បានណែនាំផងដែរដល់អាជ្ញាធរភូមិឃុំក៏ដូចជាជំនាញបច្ចេកទេសនានាត្រូវធ្វើការណែនាំនិងជូនដំណឹងឲ្យបានទូលំទូលាយដល់ប្រជាពលរដ្ឋដើម្បីឲ្យពួកគាត់ធ្វើការសុំច្បាប់អនុញ្ញាតដើម្បីធ្វើការសាងសង់សំណង់ផ្សេងៗក៏ដូចជាលំនៅឋានជាដើម ។
ជាចុងបញ្ចប់លោក សាយ គឹមឡម បានសំណូមពរដោយទទូច សូមប្រជាពលរដ្ឋទូទាំងស្រុកស្ទោងអញ្ជើញទៅចាក់វ៉ាក់សាំងដូសមូលដ្ឋានដូសជំរុញទី៣ ទី៤ និងទី៥ ឲ្យបានគ្រប់ៗគ្នាដើម្បីជៀសផុតពីការឆ្លងនៃមេរោគកូវីដ១៩ លោកបន្តថាលោកមិនចង់ឃើញប្រជាពលរដ្ឋនៅក្នុងស្រុកស្ទោងរងគ្រោះសាជាថ្មី ឬបាត់បង់ជីវិតដោយសារកូវីដ-១៩ទៀតទេ។

Loading

គេហទំព័រនិងទូរទស្សន៍អនឡាញ រស្មីបូព៌ា ទំនាក់ទំនង និងផ្តល់ព័ត៌មាន: 061 45 55 96 - 031 4444 517 - 015 995 589

LEAVE A REPLY

Please enter your comment!
Please enter your name here