លោកជំទាវ ង៉ែតណារីន និងឯកឧត្ដមបណ្ឌិត ឃួន សុវណ្ណ ព្រមទាំងក្រុមកាងារ បានប្រគេនទៀនវស្សា និងទេយ្យវត្ថុដល់ព្រះសង្ឃចំនួន២វត្ត

0
69

គេហទំព័រនិងទូរទស្សន៍អនឡាញ រស្មីបូព៌ា ទំនាក់ទំនង និងផ្តល់ព័ត៌មាន: 061 45 55 96 - 031 4444 517 - 015 995 589

លោកជំទាវ ង៉ែតណារីន និងឯកឧត្ដមបណ្ឌិត ឃួន សុវណ្ណ ព្រមទាំងក្រុមកាងារ បានប្រគេនទៀនវស្សា និងទេយ្យវត្ថុដល់ព្រះសង្ឃចំនួន២វត្ត

(កំពង់ធំ)៖ ថ្ងៃអាទិត្យ ៥រោច ខែទុតិយាសាឍ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី០៦ ខែសីហា ឆ្នាំ២០២៣ លោកជំទាវ ង៉ែត ណារីន ទីប្រឹក្សាក្រសួង ជាប្រធានមន្ទីព័ត៌មាន និងជាប្រធានក្រុមការងារ និងឯកឧត្តបណ្ឌិត ឃួន សុវណ្ណ ឧត្តមទីប្រឹក្សាផ្ទាល់ សម្ដេចព្រះសង្ឃរាជ ទេព វង្ស និងជាអនុប្រធានក្រុមការងារចុះជួយមូលដ្ឋានឃុំឈូក ព្រមទាំងក្រុមការងារស្រុក និងក្រុមការងារឃុំឈូកទាំងអស់ បានមូលមតិគ្នានាំយកទៀនវស្សា ទេយ្យវត្ថុ និងបច្ច័យ ទៅវេរប្រគេនព្រះសង្ឃគង់ចាំវស្សានៅវត្តចំនួន០២ គឺវត្តបុទុមុន្នីរតនារាម (វត្តឈូក) និងវត្តពោធ៍អណ្តែត (វត្តបឹងខ្វែក) ដែលស្ថិតនៅ ឃុំឈូក ស្រុកប្រាសាទសំបូរ ខេត្តកំពង់ធំ។

ការប្រគេនទៀនព្រះវស្សា ព្រមទាំងទេយ្យវត្ថុផ្សេងៗយក ទៅវេរប្រគេនព្រះសង្ឃនាពេលនេះ គឺជាជាទំនៀមទម្លាប់ប្រពៃណីខ្មែរយើងតាំងពីយូរលង់ណាស់មកហើយក្នុងការចូលរួមនៅក្នុងប្រពៃណីព្រះពុទ្ធសាសនា ដើម្បីប្រគេនព្រះសង្ឃដុតបំភ្លឺបូជាថ្វាយព្រះ, សិក្សារៀនសូត្រនូវគម្ពីរព្រះធម៌, វិន័យព្រះសម្មាសាម្ពុទ្ធរបស់ព្រះបរមគ្រូនៃយើង និងដើម្បីឧទ្ទិសកុសលផលបុណ្យជូនដល់បុព្វការីជន សាច់សារលោហិត កម្មាភិបាល យុទ្ធជន យុទ្ធនារី ដែលបានពលីក្នុងបុព្វហេតុជាតិមាតុភូមិ និងដែលបានចែកឋានទៅកាន់លោកខាងមុខផងដែរ។

បច្ចុប្បន្ននេះ វិស័យព្រះពុទ្ធសាសនាមានការីកចម្រើនយ៉ាងឆាប់រហ័ស បើទោះបីជាប្រជាពលរដ្ឋរស់នៅទីណាក៏ដោយក៏មានវត្តអារ៉ាម មានព្រះវិហារ មានទីសក្ការៈបូជា សម្រាប់ឱ្យប្រជាពលរដ្ឋដែលបានគោរព និងប្រណិប័តន៍តាមព្រះពុទ្ធសាសនា ទំនៀមទំលាប់ប្រពៃណីខ្មែរ នៅក្នុងសម័យកាលដែលពោរពេញដោយសន្តិភាព ក្រោមការដឹកនាំប្រកបដោយកិត្តិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន ដោយបានជំរុញឱ្យប្រជាពលរដ្ឋ ថែរក្សាប្រពៃណី វប្បធម៌ និងសាសនានៃដូនតារបស់ខ្មែរយើងឲ្យបានខ្ជាប់ខ្ជួនផងដែរ។ ព្រះពុទ្ធសាសនាបានដើរតួនាទីយ៉ាងសំខាន់ក្នុងសង្គមកម្ពុជាយើង តាមរយៈការអប់រំសីលធម៌ការសិក្សាអប់រំ និងការប្រណិប័តន៍របស់ប្រជាពលរដ្ឋដែលជាពុទ្ធសាសនិកនៅតាមទីវត្តអារាមនានា ដែលជាកន្លែងសម្រាប់ការសិក្សាអប់រំរបស់យុវជនមកពីជនបទ និងនៅតាមទីក្រុងផងដែរ។

គួបញ្ជាក់ផងដែលថា ទេយ្យវត្ថុដែលបានប្រគេនមាន ចង្ហាន់ ទៀនវស្សា សំពត់ សាដក គ្រឿងឧបភោគបរិភោគ បច្ច័យមួយចំនួន និងសម្ភារៈប្រើប្រាស់ផ្សេងៗទៀតដល់ព្រះសង្ឃដែលគង់ចាំវស្សាក្នុងរយៈពេល៣ខែ។

Loading

គេហទំព័រនិងទូរទស្សន៍អនឡាញ រស្មីបូព៌ា ទំនាក់ទំនង និងផ្តល់ព័ត៌មាន: 061 45 55 96 - 031 4444 517 - 015 995 589

LEAVE A REPLY

Please enter your comment!
Please enter your name here