ពិធីសម្ពោធដាក់ឱ្យប្រើប្រាស់ផ្លូវបេតុងអាមេ១ខ្សែ មានប្រវែង២.៨៨៨ម៉ែត្រ ទទឹង៦ម៉ែត្រ ស្ថិតក្នុងឃុំសាលាវិស័យ ស្រុកប្រាសាទបល្ល័ង្ក
(កំពង់ធំ)÷ នៅព្រឹកថ្ងៃទី១៨ ខែខែកក្កដា ឆ្នាំ២០២៣ លោក វណ្ណៈ សោភានិត អភិបាលស្រុកប្រាសាទបល្ល័ង្ក និងក្រុមការងារថ្នាក់ស្រុក/ឃុំ បានអញ្ជើញសម្ពោធដាក់ឱ្យប្រើប្រាស់ផ្លូវបេតុងអាមេ១ខ្សែ មានប្រវែង២.៨៨៨ម៉ែត្រ ទទឹង៦ម៉ែត្រ ស្ថិតក្នុងឃុំសាលាវិស័យ ស្រុកប្រាសាទបល្ល័ង្ក។
លោក ជិន ហ៉ីន ប្រធានក្រុមប្រឹក្សាឃុំសាលាវិស័យ បានធ្វើរបាយការណ៏គូសបញ្ជាក់ថា
ផ្លូវបេតុងអាមេ១ខ្សែត្រូវសម្ពោធដាក់អោយប្រើប្រាស់ជាផ្លូវការនាពេលនេះ មានប្រវែង ២៨៨៨ម៉ែត្រ ទទឹង៦ម៉ែត្រ កម្រាស់១៥សង់ទីម៉ែត្រ ស្ថិតនៅចន្លោះភូមិបុស្សវែង ភូមិត្រពាំងក្រោល និងភូមិត្រពាំងផ្លៀក ព្រមទាំងមានដាក់ភ្លើងសូឡាបំភ្លឺអមសងខាងដងផ្លូវ និងរំលេចទៅដោយទង់ជាតិព្រះរាជាណាចក្រកម្ពុជា ទង់ជាតិសាសនា និងទង់ជាតិព្រះមហាក្សត្រ អមសងខាងផ្លូវផងដែរ។
លោក វណ្ណៈ សោភានិត មានប្រសាសន៍ថា ក្រោមការដឹកនាំដ៏ឈ្លាសវ័យរបស់សម្ដេចតេជោ ហ៊ុន សែន ជាប្រមុខដឹកនាំតែងតែយកចិត្តទុកដាក់គិតគូរពីសុខទុក្ខប្រជាពលរដ្ឋ គ្រប់ពេលវេលានិងគ្រប់ទីកន្លែងគឺ មានផ្លូវ ទឹក ភ្លើង និងប្រព័ន្ធធារាសាស្ត្រនៅក្នុងមូលដ្ឋាន។ជាក់ស្ដែងផ្លូវបេបេតុង១ខ្សែនេះ និងចូលរួមចំណែកយ៉ាងសំខាន់ក្នុងការលើកកម្ពស់សេដ្ឋកិច្ច ជីវភាពរស់នៅប្រជាពលរដ្ឋ ងាយស្រួលក្នុងការធ្វើដំណើរប្រចាំថ្ងៃ មានសុវត្ថិភាពក្នុងចរាចរណ៍ឆ្លងកាត់ ងាយស្រួលក្នុង ប្រកបរបរលក់ដូរ ចំណេញពេលវេលានិងថវិកា ព្រមទាំងមានសុវត្ថិភាពធ្វើចរាចរណ៍ពេលថ្ងៃ និងពេកយប់ផងដែរ។
លោកអភិបាលស្រុកបន្តថា ថ្នាក់ដឹកនាំនឹងខិតខំក្នុងការ កែលម្អ អភិវឌ្ឍហេដ្ឋារចនាសម្ព័ន្ធផ្សេងៗ ជាបន្តបន្ទាប់់បន្ថែមទៀត ដើម្បីអភិវឌ្ឍនៅក្នុងសហគមន៍ឱ្យមានការរីកចម្រើន ដល់ប្រជាពលរដ្ឋនៅក្នុងសហគមន៍ ។
ចុងក្រោយលោកអភិបាលស្រុកបានផ្តាំផ្ញើដល់ប្រជាពលរដ្ឋ ត្រូវចូលរួមថែរក្សាផ្លូវបេតុង១ខ្សែនេះ ដើម្បីប្រើប្រាស់ជាប្រយោជន៍រួម ប្រកបដោយភាពយូរអង្វែង និងត្រូវរៀបចំបរិវេណពីចិញ្ចើមផ្លូវមកកាន់មុខផ្ទះឱ្យបានស្អាត មានអនាម័យ និងចូលរួមដាំកូនឈើអមសងខាងផ្លូវបេតុងនេះ ឱ្យមានភាពស្រស់បំព្រងនៅក្នុងសហគមន៍។ ជាពិសេសសូមបងប្អូនប្រជាពលរដ្ឋទាំងអស់ដែលគ្រប់អាយុទៅបោះឆ្នោតសូមអញ្ជើញទៅបោះឆ្នោតនៅថ្ងៃទី២៣ ខែកក្កដា ឆ្នាំ២០២៣ នេះឱ្យបានគ្រប់ៗគ្នា។
ជាមួយគ្នានោះដែរ ប្រជាពលរដ្ឋទាំងអស់ បានសម្ដែងនូវភាពសប្បាយរីករាយយ៉ាងក្រៃលែង ចំពោះការទទួលបានផ្លូវបេតបេតុ្មថ្មី១ខ្សែនេះ និងថ្លែងអំណរគុណចំពោះថ្នាក់ដឹកនាំគ្រប់លំដាប់ថ្នាក់ ដែលបានយកចិត្តទុកដាក់ដោះស្រាយសំណូមពររបស់ពួកគាត់ ព្រមទាំងថ្លែងអំណរគុណដល់សម្ដេចតេជោ ហ៊ុន សែន ដែលបានស្វែងរកសន្តិភាព និងសូមជូនពរទេវតាតាមថែរក្សាសម្ដេចតេជោ ហ៊ុន សែន ឱ្យទទួលបាននូវសុខភាពល្អ បន្តដឹកនាំប្ប្រទេឱ្យមានការរីកចម្រើនបន្តទៅមុខទៀត។
