ផ្លូវក្រាលគ្រួសក្រហមមួយខ្សែ នៅក្នុងសង្កាត់ព្រៃតៅហ៊ូ និងក្លាយទៅជាផ្លូវបេតុងនាពេលខាងមុខនេះ

0
52

គេហទំព័រនិងទូរទស្សន៍អនឡាញ រស្មីបូព៌ា ទំនាក់ទំនង និងផ្តល់ព័ត៌មាន: 061 45 55 96 - 031 4444 517 - 015 995 589

ផ្លូវក្រាលគ្រួសក្រហមមួយខ្សែ នៅក្នុងសង្កាត់ព្រៃតៅហ៊ូ និងក្លាយទៅជាផ្លូវបេតុងនាពេលខាងមុខនេះ

   (កំពង់ធំ)÷ ឯកឧត្តម ងួន រតនៈ អភិបាលខេត្តកំពង់ធំ អមដំណើរដោយឯកឧត្តមអភិបាលរងខេត្ត លោកអភិបាលក្រុង និងចៅសង្កាត់ព្រមទាំងសហការី បានចុះពិនិត្យមើលទីតាំងផ្លូវគ្រួសក្រហមមួយខ្សែដែលបងប្អូនប្រជាជាពលរដ្ឋបានត្អូញត្អែរ លំបាកក្នុងការធ្វើដំណើរនៅរដូវវស្សាស្ថិតនៅសង្កាត់ព្រៃតាហ៊ូ ក្រុងស្ទឹងសែន ខេត្តកំពង់ធំ រសៀលថ្ងៃទី២៩ ខែឧសភា ឆ្នាំ២០២៣។

    ឯកឧត្តម ងួន រតនៈ អភិបាលខេត្តកំពង់ធំ បានលើកឡើងថា ផ្លូវក្រាលគ្រួសក្រហមមួយខ្សែនេះ និងប្រែក្លាយទៅជាផ្លូវបេតុងនាពេលខាងមុខនេះ ដើម្បីឲ្យមានសុវត្ថិភាពជូនបងប្អូនប្រជាពលរដ្ឋក្នុងការធ្វើដំណើរទៅមកនៅលើផ្លូវសាធារណៈ គ្មានគ្រោះថ្នាក់ និងការដឹកជញ្ជូនកសិផលនានា ទាំងយប់ទាំងថ្ងៃរបស់បងប្អូនប្រជាពលរដ្ឋក្នុងមូលដ្ឋាន ប្រកបដោយការទទួលខុសត្រូវខ្ពស់។ លើសពីនេះទៀតឯកឧត្តមអភិបាលខេត្ត បានបន្ថែមទៀតថា បន្ទាប់ពីក្រុមការងារថ្នាក់ខេត្ត និងចុះសិក្សាពីគម្រោងរៀបចំទីតាំងឲ្យបានច្បាស់លាស់ ហើយរៀបចំជួសជុលកែលម្អផ្លូវក្រាលគ្រួសក្រហមនេះ ទៅជាផ្លូវបេតង់មានគុណភាពទៅតាមបច្ចេកទេស នៃសំណង់មួយមានភាពរឹងមាំ។

    ឯកឧត្តមអភិបាលខេត្តកំពង់ធំ បានជំរុញលើកទឹកចិត្តដល់បងប្អូនប្រជាពលរដ្ឋទាំងអស់ដែលធ្វើដំណើរនៅលើផ្លូវមួយខ្សែនេះ ត្រូវមានការអត់ធ្មត់មួយរយៈសិន ហើយអាជ្ញាធរខេត្ត និងបើកការដ្ឋានជួសជុលផ្លូវ នាពេលខាងមុខនេះ។ 

    សូមបញ្ជាក់ថា ផ្លូវមួយខ្សែប្រវែងប្រមាណ ៣.០០០ម៉ែត្រ ស្ថិតនៅសង្កាត់ព្រៃតាហ៊ូ គម្រោងឈូសឆាយទទឹង១៥ម៉ែត្រ នឹងធ្វើជាផ្លូវបេតុងដែលមានទទឹង០៨ម៉ែត្រកម្រាស់១.៥ម៉ែត្រ និងរៀបចំចិញ្ចើមផ្លូវលម្អដោយផ្កា និងដាំកូនឈើ ឲ្យមានសោភ័ណភាពនៅក្នុងក្រុងផងដែរ។

Loading

គេហទំព័រនិងទូរទស្សន៍អនឡាញ រស្មីបូព៌ា ទំនាក់ទំនង និងផ្តល់ព័ត៌មាន: 061 45 55 96 - 031 4444 517 - 015 995 589

LEAVE A REPLY

Please enter your comment!
Please enter your name here