ថ្នាក់ដឹកនាំខេត្តកំពង់ធំ បានចុះពិនិត្យទីតាំងស្តាតថ្មី ត្រៀមប្រារព្ធពិធីច្រត់ព្រះនង្គ័ល ដែលប្រព្រឹត្តទៅនៅថ្ងៃទី០៨ ខែឧសភា ឆ្នាំ២០២៣ ខាងមុខនេះ

0
73

គេហទំព័រនិងទូរទស្សន៍អនឡាញ រស្មីបូព៌ា ទំនាក់ទំនង និងផ្តល់ព័ត៌មាន: 061 45 55 96 - 031 4444 517 - 015 995 589

ថ្នាក់ដឹកនាំខេត្តកំពង់ធំ បានចុះពិនិត្យទីតាំងស្តាតថ្មី ត្រៀមប្រារព្ធពិធីច្រត់ព្រះនង្គ័ល ដែលប្រព្រឹត្តទៅនៅថ្ងៃទី០៨ ខែឧសភា ឆ្នាំ២០២៣ ខាងមុខនេះ

     (កំពង់ធំ)÷ ឯកឧត្តម ងួន រតនៈ អភិបាលខេត្តកំពង់ធំនិងក្រុមការងារថ្នាក់ខេត្ត ព្រមទាំងអាជ្ញាធរមូលដ្ឋាន បានចុះពិនិត្យទីតាំងរៀបចំទីកន្លែងឱ្យមានសណ្តាប់ធ្នាប់សម្រាប់ត្រៀមប្រារព្វពិធីច្រត់ព្រះនង្គ័លដែលប្រព្រឹត្តទៅនៅថ្ងៃទី០៨ ខែឧសភា ឆ្នាំ២០២៣ខាងមុខនេះ ស្ថិតនៅភូមិរូង ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ នៅរសៀលថ្ងៃទី២០ ខែមេសា ឆ្នាំ២០២៣។

      ការលើកឡើងរបស់ឯកឧត្តមអភិបាលបាលខេត្តកំពង់ធំ សូមឱ្យអាជ្ញាធរមូលដ្ឋានបន្តយកចិត្តទុកដាក់ស្រោចទឹកស្មៅបន្តទៀត និងដាក់ជីទីតាំងដែលត្រូវប្រារព្ធពិធីដើម្បីឲ្យស្មៅដុះបានល្អ ពិសេសគឺរៀបចំបរិវេណឲ្យបានធំទូលាយងាយស្រួលប្រារព្ធពិធីប្រកបដោយបរិយាកាសស្រស់បំព្រង។ ក្នុងនោះផងដែរអ្វីដែលឲ្យគួរឲ្យកត់សម្គាល់គឺត្រូវរៀបចំឲ្យមានផ្លូវចេញចូលប្រកបដោយសុវត្ថិភាព ក្នុងការធ្វើដំណើរពេលដែលប្រារព្វពិធីច្រត់ព្រះនង្គ័ល និងត្រៀមទីតាំងសម្រាប់ចតយានយន្តគ្រប់ប្រភេទផងដែរ។

      ឯកឧត្តម ងួន រតនៈ អភិបាលខេត្តជំរុញឲ្យមន្ទីរអង្គភាព និងអាជ្ញាធរមូលដ្ឋានយកចិត្តទុកដាក់ ជួយរៀបចំបរិវេណសម្រាប់ប្រារព្វពិធីច្រត់ព្រះនង្គ័លខាងមុខនេះឲ្យបានល្អប្រសើរ ប្រកបដោយភាពច្បាស់លាស់ និងការទទួលខុសត្រូវខ្ពស់។ គោឧបរាជចំនួន០៥គូ ត្រូវបានយកមកដល់គោលដៅហើយ ព្រមទាំងរៀបចំទ្រង់ទុកដាក់ផ្តល់ស្មៅ និងទឹក ប្រកបដោយសុវត្ថិភាពព្រមទាំងមានអ្នកថែទាំបានត្រឹមត្រូវទៀតផង។

Loading

គេហទំព័រនិងទូរទស្សន៍អនឡាញ រស្មីបូព៌ា ទំនាក់ទំនង និងផ្តល់ព័ត៌មាន: 061 45 55 96 - 031 4444 517 - 015 995 589

LEAVE A REPLY

Please enter your comment!
Please enter your name here