អគារ​ទីបញ្ជាការផ្នែកសឹករងតាំងគោកនៃបញ្ជាការដ្ឋានតំបន់ប្រតិបត្តិការសឹករងកំពង់ធំ ក្រោមជំនួយឧបត្ថម្ភរបស់គណៈបញ្ជាការយោធាទីក្រុងហូជីមិញ នៃកងទ័ពប្រជាជនវៀតណាម ត្រូវបានសម្ពោធដាក់ឲ្យប្រើប្រាស់ជាផ្លូវការ

0
84

គេហទំព័រនិងទូរទស្សន៍អនឡាញ រស្មីបូព៌ា ទំនាក់ទំនង និងផ្តល់ព័ត៌មាន: 061 45 55 96 - 031 4444 517 - 015 995 589

អគារ​ទីបញ្ជាការផ្នែកសឹករងតាំងគោកនៃបញ្ជាការដ្ឋានតំបន់ប្រតិបត្តិការសឹករងកំពង់ធំ ក្រោមជំនួយឧបត្ថម្ភរបស់គណៈបញ្ជាការយោធាទីក្រុងហូជីមិញ នៃកងទ័ពប្រជាជនវៀតណាម ត្រូវបានសម្ពោធដាក់ឲ្យប្រើប្រាស់ជាផ្លូវការ

     (កំពង់ធំ)÷នៅព្រឹកថ្ងៃទី០៦ ខែមេសា ឆ្នាំ២០២៣  ឧត្តមសេនីយ៍ត្រី  ផាំ វ៉ាន់រុឹម មេបញ្ជាការរងនៃបញ្ជាការដ្ឋានយោធាទីក្រុងហូជីមិញ នៃកងទ័ពប្រជាជនវៀតណាម និងឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ យោធភូមិភាគទី៤ បានអញ្ជើញជាអធិបតីភាព ក្នុងពិធីសម្ពោធដាក់ឲ្យប្រើប្រាស់ជាផ្លូវការ នៅអាគារទីបញ្ជាការផ្នែកសឹករងតាំងគោក នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ក្រោមជំនួយឧបត្ថម្ភរបស់ខណ្ឌទី១០នៃបញ្ជាការដ្ឋានយោធាទីក្រុងហូជីមិញ ។

     លោកវរសេនីយ៍ត្រី សេង សូត្រ មេបញ្ជាការផ្នែកសឹករងតាំងគោក បានឡើងថ្លែងសន្ទរកថាស្វាគមន៍ និងរាយការណ៍អំពីការសាងសង់ទីបញ្ជាការផ្នែកសឹករងតាំងគោក ដែលមានទំហំ២០០ ម៉ែត្រការ៉េ ធ្វើពីបេតុង ប្រក់ក្បឿង មានបន្ទប់ធ្វើការរបស់មេបញ្ជាការ និងសាលប្រជុំ ដែលបានចំណាយថវិកាសាងសង់ចំនួន៤៥.៦៦៦ដុល្លារ ដែលជាជំនួយឧបត្ថម្ភរបស់ខណ្ឌទី១០ ដែលជាដៃគូសហប្រតិបត្តិការជាមួយផ្នែកសឹករងតាំងគោក។

    លោកវរសេនីយ៍ ង្វៀន ថាញ់កុង មេបញ្ជាការយោធាខណ្ឌទី១០ បានថ្លែងនូវការ អបអរសាទរនិងជូនពរឆ្នាំថ្មីប្រពៃណីជាតិខ្មែរ ឆ្នាំថោះ បញ្ចស័កពុទ្ធសករាជ២៥៦៧ ជូនដល់ប្រជាជនកម្ពុជា និងបានប្រគល់ជូននៅអាគារមួយខ្នង ដែលទើបសាងសង់ថ្មីនេះ ជូនដល់ផ្នែកសឹករងតាំងគោក ដើម្បីប្រើប្រាស់ផងដែរ។

    ឧត្តមសេនីយ៍ទោ សោម ស៊ុន បានថ្លែងអំណរគុណដល់ភាគីមិត្តនៃបញ្ជាការដ្ឋានយោធាទីក្រុងហូជីមិញ ដែលបានជួយសាងសង់អាគារស្នាក់នៅនិងធ្វើការងារជូនដល់អង្គភាពផ្នែកសឹករងទាំង៩  និងកងវរសេនាតូចទាំងពីរ ព្រមទាំងសាងសង់អគារនៅទីបញ្ជាការតំបន់ប្រតិបត្តិការសឹករងកំពង់ធំ ផងដែរ  ដែលសរុបអគារទាំងអស់មានចំនួន១៣ ខ្នង រួចមកហើយ។

     នៅក្នុងឱកាសនេះដែរ ឧត្តមសេនីយ៍ត្រី ផាំ វ៉ាន់រុឹម អនុប្រធានគណៈបញ្ជាការយោធាទីក្រុងហូជីមិញ និងឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ រួមជាមួយគណៈអធិបតី បានចែកជូនអំណោយអនុស្សាវរីយ៍ ជូនដល់ប្រជាពលរដ្ឋ ដែលបានចូលរួមក្នុងពិធីសម្ពោធនេះចំនួន១៥០នាក់ ក្នុងម្នាក់ៗទទួលបានសារុងមួយ នឹងបានដាំដើមឈើជានិមិត្តរូប ព្រមទាំងកាត់ខ្សែបូសម្ពោធដាក់ឲ្យប្រើប្រាស់ជាផ្លូវការនៅអាគារផ្នែកសឹករងតាំងគោក នៃបញ្ជាការដ្ឋានតំបន់ប្រតិបត្តិការសឹករងកំពង់ធំចាប់ពីពេលនេះតទៅ៕

Loading

គេហទំព័រនិងទូរទស្សន៍អនឡាញ រស្មីបូព៌ា ទំនាក់ទំនង និងផ្តល់ព័ត៌មាន: 061 45 55 96 - 031 4444 517 - 015 995 589

LEAVE A REPLY

Please enter your comment!
Please enter your name here