កំពង់ឆ្នាំង:នៅព្រឹកថ្ងៃទី០៧ ខែតុលា ឆ្នាំ២០២២ នេះ ឯកឧត្តម អុិត សុធា ព្រះរាជអាជ្ញាអមសាលាដបូងខេត្តកំពង់ឆ្នាំង ដឹកនាំព្រះរាជអាជ្ញារង និងមន្ត្រីអយ្យការសាលាដំបូងខេត្តកំពង់ឆ្នាំង នាំយកអំណោយជាគ្រឿងឧបភោគ បរិភោគ និងថវិកាមួយចំនួនចែកជូនប្រជាពលរដ្ឋរស់នៅតាមទន្លេ នៅភូមិត្រដោក ឃុំប្រឡាយមាស ស្រុកកំពង់លែង ខេត្តកំពង់ឆ្នាំង ដែលកំពុងរងគ្រោះដោយទឹកជំនន់ទន្លេ ។
នាឱកាសនេះផងដែរ ឯកឧត្តម អុិត សុធា បានសួរសុខទុក្ខប្រជាពលរដ្ឋតាមខ្នងផ្ទះប្រកបដោយមនោសញ្ចេតនា ក្តីអាណិតអាសូរ ការស្រឡាញ់ ចែករំលែកនូវការលំបាក និងចូលរួមសោកស្តាយ យ៉ាងក្រៃលែងជាមួយបងប្អូនប្រជាពលរដ្ឋដែលបានទទួលរងគ្រោះដោយទឹកជំនន់ ដែលជាគ្រោះធម្មជាតិបង្កដោយ ការប្រែប្រួលអាកាសធាតុ ។
ឯកឧត្តមក៏បានលេីកឡេីង និងកោតសរសើរដល់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលបានខិតខំគិតគូរពីសុខទុក្ខប្រជាពលរដ្ឋទូទាំងប្រទេស ក្នុងនាមជាប្រមុខដឹកនាំលោកបានតស៊ូព្យាយាមទាំងយប់ទាំងថ្ងៃ ធ្វើយ៉ាងណារកសេចក្ដីសុខជូនពលរដ្ឋ ការពារពលរដ្ឋ ខិតខំគ្រប់បែបយ៉ាង ដើម្បីធ្វើឱ្យប្រទេសជាតិមួយនេះ រួចផុតពីជំងឺកូវីដ-១៩។
ជាមួយគ្នានេះ ឯកឧត្តម អុិត សុធា បានផ្តាំផ្ញើជូនដល់បងប្អូនប្រជាពលរដ្ឋ គ្រួសារដែលមានកូនចៅតូចៗ កុំបណ្តែត បណ្តោយឱ្យលេងទឹក ពីព្រោះវាអាច បណ្តាលឱ្យបាត់បង់ជីវិត ដោយសារលង់ទឹកបាន ដូចនេះត្រូវការពារពួកគេឱ្យបានល្អ ជៀសវាងមានវិប្បដិសារីនៅពេលបាត់បង់ សមាជិក គ្រួសារ ដោយសារ ការធ្វេសប្រហែសនេះ។ សូមគិតគូរ និងយកចិត្តទុកដាក់ថែទាំសុខភាពឱ្យបានល្អ និងរក្សាអនាម័យ ព្រោះសុខភាពជាកត្តាចម្បង សម្រាប់យើងគ្រប់គ្នា ដូច្នេះសូមគ្រប់ក្រុមគ្រួសារត្រូវបរិភោគទឹកដាំឆ្អិនល្អ ដើម្បីការពារកុំឱ្យកើតមានជំងឺរាគរូស ឬជំងឺដង្កាត់នានា ដែលធ្វើឱ្យខាតបង់ពេលវេលា និងថវិកាក្នុងការព្យាបាលជំងឺ។
នៅពេលទឹកស្រកសូមសម្អាតផ្ទះ ឬបរិស្ថានជុំវិញផ្ទះ ឱ្យបាន ស្អាត មានអនាម័យ និងត្រូវប្រុងប្រយ័ត្នពីសត្វអាសិរពិសដែលវាបានទៅរស់នៅតាមដំបូលផ្ទះឬកន្លែងផ្សេងៗ ក្នុងផ្ទះ ដែលអាចបង្កគ្រោះថ្នាក់ដល់ជីវិត ហេីយសូមបន្តប្រកបរបរចិញ្ចឹមជីវិតដេីម្បីស្តារ សេដ្ឋកិច្ច គ្រួសារឡេីងវិញ។ បន្តទប់ស្កាត់ជំងឺកូវីដ-១៩ អនុវត្តតាម វិធានការនានារបស់ក្រសួងសុខាភិបាល និងទម្លាប់រស់នៅតាមបែបគន្លងថ្មី។
ឆ្លៀតក្នុងឱកាសនេះផងដែរ ឯកឧត្តម អុិត សុធា ក៍បានធ្វេីការណែនាំដល់ប្រជានេសាទទាំងអស់កុំឲ្យធ្វេីការនេសាទដោយប្រេីឧបករណ៍នេសាទល្មេីសច្បាប់ ព្រោះត្រូវប្រឈមមុខចំពោះមុខច្បាប់ យ៉ាងណាម៉ិញ ការនេសាទល្មេីសច្បាប់គឺបំផ្លាញធនធានមច្ឆាជាតិគ្រប់ប្រភេទ គឺជាការបំផ្លាញខ្លួនឯង បំផ្លាញកូនចៅខ្លួនឯង នាពេលអនាគត៕
